A caza do carbairán é unha especie de poema épico do absurdo que se publicou en 1876. O carbairán, animal imaxinario emparentado cos biosbardos e os gamusinos, é unha mostra máis da portentosa imaxinación de Lewis Carroll, que o empezou a escribir polo derradeiro verso. As únicas noticias que temos do animal son sobre o seu sabor crocante a fogos fatuos, a súa lacazanería, o seu escaso sentido do humor, a súa afección ós casetos do baño e a súa ambición.